Organisé avec le soutien de la

MUSEK AM SYRDALL

32e Saison Musicale de Mensdorf

Lëtzebuerger Lidder nei arrangéiert 6.0

 

Miseler - Lidder

 

Concert

 

présenté au Centre Culturel «SYRKUS» de Roodt-sur-Syre

 

dimanche, le 28 avril 2019 à 17:00 heures

 

par

 

Lëtzebuerger Lidderchouer

 

Christophe Nanquette, piano

 

Marc Demuth, contrebasse

 

Boris Dinev, percussion

 

Direction: Georges Urwald

Scho fir déi 6. Kéier heescht et am Syrdall-Festival „Lëtzebuerger Lidder nei arrangéiert“. Dës Editioun ass enger ganzer Regioun gewidmet: eiser schéiner Musel mat hire Wéngerten, hire Wënzer an natierlech hirem Wäin. De Muselgreeche gëtt an etleche Lidder gelueft, e versprécht gutt Laun a geselleg Owender. Mee och d’Miseler Meedercher an d’Landschaft kommen zu hirem Recht. Nieft bekannten a manner bekannte Lidder héiert Dir an dëser 6. Editioun och nei Kompositiounen op Texter vum Pir Kremer, deen 2019 säin 100. Gebuertsdag feiert.

 

Lëtzebuerger Lidder nei arrangéiert - de Projet

Lidder vu fréier, Texter vu fréier, op eng originell Aart a Weis nei arrangéiert...

Lidder vun haut, Texter vun haut, nei komponéiert fir Kleng a Grouss.

Et ass dem INECC e grousst Uleies eise räiche Lëtzebuerger Lidder-Repertoire méi bekannt a public ze maachen. Mat neien zäitgeméissen Arrangementer soll dëse Repertoire de jonke Sänger, Gruppen, Bands a Chéier zougänglech an attraktiv gemaach ginn. Rezent Popsongs an nei komponéiert Lidder ginn dobäi grad esou berécksiichtegt wéi eise musikalesche Patrimoine.

All dës Lidder si bei „Luxembourg Music Publishers“ editéiert. An de leschte Joren ass de Bestand op méi wéi 120 Partituren gewuess.

 

Lëtzebuerger Lidderchouer

De „Lëtzebuerger Lidderchouer“ ass e Projets-Chouer, deen eemol pro Joer zesumme kënnt fir exklusiv am Syrdall-Festival déi neist Chouer-Arrangementer an Neikompositiounen ze presentéieren. E séngt dobäi a verschidde Konfiguratiounen, vum 4-stëmmege gemëschte Chouer bis zum Männer- oder Fraen-Ensembel. 2017 huet den Institut Européen de Chant Choral eng CD mat de bekanntste Stécker erausbruecht.

Säit Hierscht 2018 läit d’Direktioun vum Lëtzebuerger Lidderchouer an den Hänn vum Georges Urwald.

 

Georges Urwald

De Georges Urwald ass Museker, Komponist/Arrangeur a Professer fir Education musicale am Iechternacher Kolléisch an deel-detachéiert an de Museksdepartement vun der Lëtzebuerger Nationalbibliothéik (Cedom), fir deen hien didaktesch Hefter zum Thema Lëtzebuerger Kultur (De Litty) fir Grondschoulen a Lycéeën redigéiert an erausbréngt.

Hie musizéiert, komponéiert an arrangéiert genre-iwwergräifend fir ënnerschiddlech grouss a kleng Besetzungen.

Studéiert huet hien Schulmusik zu Köln op der Staatlichen Musikhochschule mam Haaptfach Kierchenuergel an Jazzinstrumentalpädagogik mam Haaptfach Jazzpiano.

Zu Gréiwemaacher féiert hien de Privattheater fir Lëtzebuerger Klengkonscht, de Stued Theater.